Ինչո՞ւ է անհրաժեշտ սուրճից հետո ջուր ըմպել

Նկատե՞լ եք արդյոք, որ գրեթե բոլոր բարձրակարգ սրճարաններում հաճախորդներին միշտ առաջարկում են մեկ բաժակ էսպրեսոյից հետո ջուր ըմպել: Այս սովորույթն ունի բավականին գիտաբժշկական հիմք. պարզվում է, որ սուրճը միայն այդպես է պետք է ըմպել:

Ինչպես գիտենք, սուրճի մեջ կա կոֆեին: Դա ալկալոիդ է, որն ակնթարթորեն մեզ տալիս է առույգության զգացողություն: Բայց քչերը գիտեն, որ հատիկի մեջ կա նաև թեոբրոմին: Երբ մենք սուրճ ենք խմում, այդ երկու նյութերը մեր օրգանիզմ են թափանցում միաժամանակ, բայց գործել սկսում են հերթով:

Կոֆեինը գործում է միանգամից, իսկ թեոբրոմինը սկսում է աշխատել միայն 25 րոպե անց: Կոֆեինը սկզբում նեղացնում է անոթները բոլոր օրգաններում՝ բացի երիկամներից: Իսկ 30 րոպե հետո սկսում է Ձեր քունը տանել: Եվ ոմանք զգում են թեթև ձգումներ երիկամներում: Դա թեոբրոմինն է. ճնշումը մարմնում աճում է, իսկ երիկամներում՝ իջնում: Այստեղից էլ առաջանում է քնելու ցանկությունը:

Եվ ահա, որպեսզի չեզոքացնեք թեոբրոմինը, հենց դրա համար էլ սուրճ ըմպելուց հետո անհրաժեշտ է մի փոքր ջուր խմել: Եթե սուրճից հետո ջուր խմեք, ճնշումը չի բարձրանա: Ավելի շուտ կբարձրանա, բայց ոչ այդքան արագ և ոչ այդքան կտրուկ:

Վերջապես, մտածեք ատամների մասին. սուրճի մեջ կա պիգմենտ, որը էմալը ներկում է շագանակադեղին երանգով: Եթե սուրճից հետո ջուր խմեք, այն չի հասցնի ներծծվել ատամների մեջ: Եվ ատամները կլինեն այնքան սպիտակ, որքան որ պետք է լինեն:

Աղբյուրը՝ Nespresso Club Armenia

Related posts

Leave a Comment